………………
కేరళలోని ‘సమస్త’ సున్నీ ముస్లిం బోర్డు జారీ చేసిన కొత్త నిబంధనలు తీవ్ర వివాదానికి దారితీశాయి. ముస్లిం మహిళలు, బాలికలు బహిరంగ ప్రదేశాల్లో లేదా సాంస్కృతిక వేడుకల్లో పాల్గొనకూడదని ఈ సంస్థ ఆంక్షలు విధించింది. మహిళలు వేదికలపై ప్రత్యక్షం కాకుండా చూడాలని మసీదులు, మద్రసాలను ఆదేశించింది.
…
ఈ నిర్ణయం భారత రాజ్యాంగం కల్పించిన ప్రాథమిక స్వేచ్ఛకు, సమానత్వానికి పూర్తిగా విరుద్ధం. దేశమంతా మహిళా సాధికారత వైపు అడుగులు వేస్తుంటే, ఇలాంటి ఆంక్షలు స్త్రీలను వెనక్కి నెట్టడమే అవుతాయి. మతం పేరిట మహిళలను నాలుగు గోడలకే పరిమితం చేయాలని చూడటం ప్రగతి నిరోధక చర్య.
……
భారతీయ హైందవ సంస్కృతిలో ప్రాచీన కాలం నుంచీ మహిళలకు అత్యున్నత పీఠం వేశారు. మన పూజలు, వ్రతాలు, నోములు మరియు సాంస్కృతిక ఉత్సవాల్లో స్త్రీలదే ప్రధాన పాత్ర. మహిళ లేకుండా ఏ శుభకార్యమూ జరగదు. అటువంటి ఆధ్యాత్మిక, సాంస్కృతిక గౌరవ ప్రదమైన వాతావరణం ఉన్న ఈ దేశంలో, ఆధునిక కాలంలో కూడా ముస్లిం సున్నీ బోర్డు మహిళలపై ఇలాంటి పాతకాలపు ఆంక్షలు విధించడం ఎంతమాత్రం సరికాదు.
…
మహిళల హక్కుల గురించి నిత్యం మాట్లాడే లౌకికవాదులు, మేధావులు ఈ అంశంపై ఎందుకు మౌనంగా ఉన్నారని జాతీయవాదులు ప్రశ్నిస్తున్నారు. సున్నీ బోర్డు నిర్ణయాన్ని లౌకికవాదులు ఖండించకపోవడం వారి ద్వంద్వ విధానాలకు నిదర్శనం. రాజ్యాంగ నియమాలకు అందరూ కట్టుబడి ఉండాలని, ముస్లిం మహిళల ప్రాథమిక స్వేచ్ఛను గౌరవించేలా ఈ ఆంక్షలను వెంటనే ఉపసంహరించుకోవాలని డిమాండ్ చేస్తున్నారు.
