…………………………
సోషల్ మీడియాలో కలర్ఫుల్ ప్రచారాలు చూసి మోసపోతున్నామా? అద్భుత పాలన అని రంగురంగుల రీల్స్ చూపిస్తూ అసలు నిజాలను దాచేస్తున్నారా? స్వాతంత్య్ర దినోత్సవం వేదికగా అవినీతి రహిత పాలన అని చెప్పిన రోజే… తమిళనాడు సీఎం ఆఫీస్ లో గోల్మాల్ ఆరోపణలు గుప్పుమంటున్నాయా..? పారదర్శకత అని చెప్పే నాయకులు, అధికారంలోకి రాగానే సీఎం ఆఫీసుల కోసం కోట్ల రూపాయలు ఎందుకు వెచ్చిస్తున్నారు? ప్రచారాల్లో కనిపించే ఆడంబరాల వెనుక సామాన్యుడి సొమ్ము దుర్వినియోగం అవుతోందా? పక్క రాష్ట్రాల వైపు చూసి మురిసిపోయే ముందు అక్కడ జరుగుతున్న పరిణామాలను మనం నిశితంగా పరిశీలించాల్సిందేనా?
……………………………………………………….
తమిళనాడు ముఖ్యమంత్రిగా విజయ్ బాధ్యతలు చేపట్టిన మూడు నెలలకే ఆయన ప్రభుత్వం భారీ అవినీతి ఆరోపణను ఎదుర్కొంటోంది. అవినీతి రహిత రాష్ట్రం అని స్వాతంత్య్ర దినోత్సవం రోజున ఆడంబరంగా ప్రకటించిన విజయ్, తన నూతన ఆఫీసు కోసం 5.54 కోట్ల రూపాయల వివాదంలో చిక్కుకున్నారు. చెన్నైలోని సెక్రటేరియట్ మెయిన్ బ్లాక్ నుంచి నామక్కల్ కవింజర్ మాళిగైకి తన ఆఫీసును మార్చేందుకు విజయ్ ఈ భారీ నిర్ణయం తీసుకున్నారు. అయితే, ఈ టెండర్ నోటిఫికేషన్ అధికారికంగా విడుదల కాకముందే అక్కడ పనులు మొదలైపోవడంపై విపక్షాలు తీవ్ర స్థాయిలో విరుచుకుపడుతున్నాయి.
……
ఈ టెండర్ ప్రక్రియలో అనేక అక్రమాలు జరిగినట్లు ప్రధాన ప్రతిపక్షాలు ఆరోపిస్తున్నాయి. ఆన్లైన్ టెండర్ పత్రాల్లో ప్రాజెక్టు విలువ సున్నాగా చూపిస్తూ, వార్తాపత్రికలలో మాత్రం ఐదున్నర కోట్ల రూపాయల విలువను ప్రకటించారు. పత్రిక ప్రకటనలు వచ్చిన తరవాతే ఆన్లైన్లో డాక్యుమెంట్లు అప్లోడ్ చేశారు. అంటే,, నామమాత్రంగానే టెండర్లు పిలిచారా అనే ప్రశ్నలు వస్తున్నాయి. గతంలో ఎంజీఆర్, జయలలిత, కరుణానిధి వంటి దిగ్గజ నాయకులు పనిచేసిన ఆఫీసు విజయ్కి సరిపోవడం లేదా అని చాలామంది అంటున్నారు. ఆడంబరాల కోసం ప్రజాధనాన్ని ఎలా వెచ్చిస్తారంటూ అక్కడ తీవ్ర నిరసనలు వ్యక్తమవుతున్నాయి.
………………………………………………………………………………
సోషల్ మీడియాలో రీల్స్, ప్రచారాలు చూసి ఎవరి పాలనైనా సూపర్ అని నమ్మేసే ముందు ప్రజలు వాస్తవాలను తెలుసుకోవాలి. అవినీతి సహించం అని మైకుల ముందు ఉపన్యాసాలు ఇవ్వడం తేలికే, కానీ ఆచరణలో ఆ పారదర్శకతను చూపించడం చాలా కష్టం. ప్రారంభంలోనే ఇలాంటి టెండర్ అక్రమాలు ఎదురవుతుంటే, రాబోయే రోజుల్లో పాలన ఎలా ఉండబోతోందో సమాజం ఆలోచించాలి. ప్రచారాల వెనుక ఉన్న అసలు సత్యాలను ప్రశ్నించనంత కాలం రాజకీయ నాయకులు ప్రజాధనాన్ని ఇలాగే తమ వ్యక్తిగత సౌకర్యాల కోసం వాడుకుంటూనే ఉంటారు.
ఈ విషయంపై మీ అభిప్రాయాలను కింద కామెంట్ బాక్స్లో స్పష్టంగా తెలియజేయండి. నిష్పక్షపాత వార్తలను, భారతీయ జాతీయవాదాన్ని నిరంతరం మీకు అందిస్తున్న మన ‘మై ఇండ్ మీడియా’ యూట్యూబ్ ఛానెల్ను వెంటనే సబ్స్క్రైబ్ చేయండి. సమాజంలో నిజాలను వెలికితీసే ఈ విశ్లేషణాత్మక వీడియోను మీ మిత్రులందరికీ, కుటుంబ సభ్యులకు తప్పకుండా షేర్ చేయండి. ధన్యవాదాలు.
