……………………………………….
నమస్కారం! కమ్యూనిస్ట్ చైనాలో అసలు ఏం జరుగుతోంది? మత స్వేచ్ఛే లేదంటూ అంతర్జాతీయంగా గగ్గోలు పెట్టే క్రైస్తవ మిషనరీలు, చైనా వంటి దేశాల నియంతృత్వం ముందు ఎందుకు నోరు మెదపవు? అక్కడ చర్చిలను, మిషనరీలను పూర్తిగా అణగదొక్కుతున్నప్పటికీ ప్రపంచవ్యాప్తంగా ఉన్న ఈ నెట్వర్క్ ఎందుకు మౌనంగా ఉంటుంది? భారత్ లాంటి ప్రజాస్వామ్య దేశంలో చట్టవిరుద్ధమైన కార్యకలాపాలకు కూడా విపరీతమైన స్వేచ్ఛను అనుభవిస్తూ, చిన్న సమస్య వస్తేనే అంతర్జాతీయంగా విషప్రచారం చేసే ఈ శక్తులు, చైనా చర్యలపై ఎందుకు ప్రశ్నించవు? దాదాపు 250 రోజులకు పైగా జైల్లో మగ్గిన ఒక అండర్ గ్రౌండ్ చర్చి లీడర్ను వదిలిపెట్టడానికి స్వయంగా అగ్రరాజ్య అధ్యక్షుడు దౌత్యం నడపాల్సి వచ్చిందంటే, అక్కడ మిషనరీల పరిస్థితి ఎంత దయనీయంగా ఉందో మీరు ఊహించుకోవచ్చు.
అసలు చైనాలో ఈ ‘అండర్ గ్రౌండ్ చర్చిలు’ లేదా ‘హౌస్ చర్చెస్’ అంటే ఏమిటో మనం స్పష్టంగా అర్థం చేసుకోవాలి. చైనా ఒక అధికారిక నాస్తిక దేశం. అక్కడ కమ్యూనిస్ట్ పార్టీ నియంత్రణలో, ప్రభుత్వ నిబంధనలకు లోబడి ఉండే మత సంస్థలకు మాత్రమే అనుమతి ఉంటుంది. అందుచేత క్రైస్తవ మతంలోకి మత మార్పిడి చేసేందుకు సీక్రెట్ గా నడిచే చర్చిలను అండర్ గ్రౌండ్ చర్చిలు అంటారు. బీజింగ్లో వేలాది మందితో నెట్వర్క్ పెంచుకున్న ‘జియాన్ చర్చ్’ వ్యవస్థాపకుడు పాస్టర్ ఎజ్రా జిన్ మింగ్రి కూడా ఇదే టైప్ అన్న మాట. సీక్రెట్ గా మతమార్పిడిలు చేస్తున్నందున… చైనా ప్రభుత్వం ఆయనను అరెస్ట్ చేసి జైల్లో పెట్టింది. చైనాలో ఇలాంటి రహస్య సంస్థలపై నిరంతరం నిఘా ఉంటుంది, దాడులు జరుగుతాయి మరియు కఠినమైన శిక్షలు ఉంటాయి.
ఇక్కడ మనం గమనించాల్సిన అసలు నిజం ఏంటంటే.. చైనాలో మిషనరీలను, చర్చిలను ఇంతలా అణచివేస్తున్నా అక్కడ ఎలాంటి వ్యతిరేకతా కనిపించదు. ఆఖరికి అమెరికా అధ్యక్షుడు డోనాల్డ్ ట్రంప్ స్వయంగా చైనా అధ్యక్షుడు షీ జిన్పింగ్తో దౌత్యపరంగా మాట్లాడి ఒత్తిడి తెస్తేనే, ఆ పాస్టర్ను చైనా వదిలిపెట్టింది. కానీ మన భారతదేశంలో పరిస్థితి ఇందుకు పూర్తిగా భిన్నం. ఇక్కడ మిషనరీలకు, పాస్టర్లకు విపరీతమైన స్వేచ్ఛ ఉంది. మతమార్పిడిలు, చట్టవిరుద్ధమైన నిధుల సేకరణ వంటి ఆరోపణలు ఉన్నా ఇక్కడ పాస్టర్లను అరెస్ట్ చేయడం కూడా దాదాపు జరగదు. ఒకవేళ చట్టం తన పని తాను చేసుకుంటూ చిన్న చర్య తీసుకున్నా, ఇక్కడి మిషనరీ వ్యవస్థలు అంతర్జాతీయ స్థాయిలో భారత్పై బురదజల్లడానికి గగ్గోలు పెడతాయి.
చైనా లాంటి దేశాలు తమ సంస్కృతిని కాపాడుకోవడానికి మిషనరీల నెట్వర్క్ను ఎంత కఠినంగా అణచివేస్తున్నాయో ఈ ఘటన నిరూపిస్తోంది. భారతదేశంలో ఉన్న మితిమీరిన స్వేచ్ఛను ఆసరాగా చేసుకుని, ఇక్కడ వ్యవస్థలను శాసించాలని చూసే శక్తులకు చైనా వైఖరి ఒక చెంపదెబ్బ లాంటిది. అంతర్జాతీయ శక్తుల ఒత్తిళ్లకు లొంగకుండా దేశ ప్రయోజనాలే ముఖ్యమని భావించే చైనా విధానాన్ని చూసైనా, మన దేశంలో కూడా ఇలాంటి శక్తులపై కఠినమైన నియంత్రణలు ఉండాలని సామాన్య ప్రజలు కోరుకుంటున్నారు.
మిత్రులారా, అంతర్జాతీయ పరిణామాలు మరియు మన దేశ ప్రయోజనాలకు సంబంధించిన ఇలాంటి మరెన్నో కఠిన నిజాలను, విశ్లేషణలను నిరంతరం తెలుసుకోవడానికి.. జాతీయవాద ఆలోచనలను అందిస్తున్న మన ‘మై ఇండ్ మీడియా’ ఛానెల్ను ఇప్పుడే సబ్స్క్రైబ్ చేసుకోండి. ఈ వీడియో మీకు నచ్చినట్లయితే లైక్ చేయండి, మీ స్నేహితులతో పంచుకోండి. మీ అభిప్రాయాలను కింద కామెంట్ సెక్షన్ లో తప్పకుండా తెలియజేయండి. ధన్యవాదాలు!
