కోట్లాది మంది హిందువుల శతాబ్దాల కల అయిన భవ్య అయోధ్య రామమందిరంపై ప్రతిపక్షాల ఆరోపణల వెనుక ఉన్న రాజకీయ స్వార్థం ఏమిటి? మందిర నిర్మాణంపై బురద జల్లడమే లక్ష్యంగా భక్తులలో అయోమయం సృష్టించడానికి సాగుతున్న ఈ దుష్ప్రచారాల వెనుక ఉన్న నగ్న సత్యం ఏమిటి? వ్యవస్థలో చిన్న లోపం జరిగితే దాన్ని వెలికితీసి, దొంగలను జైలుకు పంపిన యోగి ఆదిత్యనాథ్ ప్రభుత్వ పారదర్శకతను చూసి కూడా ప్రతిపక్షాలు ఎందుకు తట్టుకోలేకపోతున్నాయి? దశాబ్దాల పాటు రాముడి ఉనికినే ప్రశ్నించిన శక్తులు, ఈ రోజు మందిర పవిత్రత గురించి మాట్లాడటం కంటే పెద్ద హాస్యాస్పదం మరొకటి ఉంటుందా? ఆలయ ట్రస్ట్కు మరియు చంపత్ రాయ్ నైతికతకు అద్దం పడుతూ, ఈ కుట్రలన్నింటినీ బట్టబయలు చేసే సంచలన విశ్లేషణను ఇప్పుడు చూద్దాం.
……..
అయోధ్య రామమందిరం విషయంలో ప్రభుత్వం మరియు ఆలయ ట్రస్ట్ అత్యంత పారదర్శకతతో, త్వరితగతిన చర్యలు తీసుకుంటున్నాయనే దానికి ప్రస్తుత పరిణామాలే నిదర్శనం. ఆలయ ట్రస్ట్ చేసిన అభ్యర్థన మేరకు ఉత్తరప్రదేశ్ ప్రభుత్వం తక్షణమే ముగ్గురు సభ్యులతో కూడిన సిట్ ఏర్పాటు చేసింది. ఎటువంటి పక్షపాతం లేకుండా విచారణ జరిపించి, ప్రాథమిక నివేదిక రాగానే తప్పు చేసినట్లు తేలిన 8 మంది తాత్కాలిక నగదు లెక్కింపు సిబ్బందిని వెంటనే అరెస్ట్ చేయడం జరిగింది. ఇందులో ఎలాంటి రాజకీయ ప్రమేయం లేదు. తప్పు చేసిన వారు ఎంతటి వారైనా వదిలిపెట్టే ప్రసక్తే లేదని ముఖ్యమంత్రి యోగి ఆదిత్యనాథ్ ‘జీరో టాలరెన్స్’ విధానాన్ని మరోసారి స్పష్టం చేశారు. హిందూ భక్తుల ప్రతి పైసా భగవంతుడి సేవకే వినియోగించబడుతుందని, తప్పు చేసిన దొంగలను జైలుకు పంపుతామని ప్రభుత్వం నిరూపించింది.
……..
విచారణ నిష్పక్షపాతంగా, పారదర్శకంగా జరగాలనే ఉద్దేశంతో శ్రీరామ జన్మభూమి తీర్థ క్షేత్ర ట్రస్ట్ జనరల్ సెక్రెటరీ చంపత్ రాయ్ , ట్రస్ట్ సభ్యుడు అనిల్ మిశ్రా తమ పదవులకు నైతిక బాధ్యత వహిస్తూ రాజీనామా చేశారు. విచారణను ఏమాత్రం ప్రభావితం చేయకూడదనే ఉన్నతమైన విలువలతో వారు తీసుకున్న ఈ నిర్ణయాన్ని అభినందించాల్సింది పోయి, దానిపై రాజకీయం చేయడం ప్రతిపక్షాల దిగజారుడుతనానికి పరాకాష్ట. ఈ కేసులో నమోదైన ఎఫ్ఐఆర్ లో చంపత్ రాయ్ పేరు ఎక్కడా లేదు. కేవలం డబ్బు లెక్కింపులో అవకతవకలకు పాల్పడిన కిందిస్థాయి తాత్కాలిక సిబ్బందిపైనే చట్టపరమైన చర్యలు తీసుకున్నారు. చంపత్ రాయ్ గారి త్యాగాన్ని, నైతికతను శంకించే హక్కు ఎవరికీ లేదు.
……….
ప్రతిపక్ష నేతలు చెప్తున్న 2 వేల కోట్ల కుంభకోణం అనే ఆరోపణలకు ఎటువంటి ఆధారాలు లేవు, అది కేవలం ఒక అభూతకల్పన మాత్రమే. ప్రాథమిక దర్యాప్తు ప్రకారం కేవలం కొద్ది మొత్తంలో అంటే లక్షల రూపాయల్లో మాత్రమే నగదు లెక్కింపు సిబ్బంది బ్లైండ్ స్పాట్స్ను వాడుకుని అవకతవకలకు పాల్పడ్డారు. వారి నుండి సుమారు 79.85 లక్షల రూపాయలు… పోలీసులు ఇప్పటికే రికవరీ చేయడం కూడా జరిగింది. దేశవిదేశాల నుండి వచ్చిన కోట్లాది రూపాయల విరాళాల సొమ్ము మొత్తం బ్యాంక్ ఖాతాల్లో డిజిటల్ రూపంలో అత్యంత భద్రంగా ఉంది. దీనికి క్రమం తప్పకుండా కఠినమైన ఆడిటింగ్ జరుగుతోంది కాబట్టి భక్తులు ఎలాంటి ఆందోళన చెందాల్సిన అవసరం లేదు.
…..
గతంలో “రాముడు ఒక కాకతాళీయ పాత్ర, ఆయన అసలు లేనే లేడు” అంటూ కోర్టుల్లో అఫిడవిట్లు వేసి, మందిర నిర్మాణాన్ని దశాబ్దాల పాటు అడ్డుకున్న పార్టీలే ఈ రోజు హిందువుల విశ్వాసాల గురించి మాట్లాడటం విడ్డూరంగా ఉంది. నిజానికి క్షమాపణ చెప్పాల్సింది రాముడి ఉనికిని ప్రశ్నించిన ఆనాటి పాలకులే. నరేంద్ర మోదీ, అమిత్ షా, యోగి ఆదిత్యనాథ్ ల నేతృత్వంలో కోట్లాది మంది హిందువుల శతాబ్దాల కల సాకారమైంది. వ్యవస్థలో చిన్న లోపం జరిగినా, దాన్ని వెలికితీసి కఠిన చర్యలు తీసుకుంటున్న ప్రభుత్వాన్ని మరియు నిష్కళంక దేశభక్తుడైన చంపత్ రాయ్ గారిని వేలెత్తి చూపించే నైతిక హక్కు ప్రతిపక్షాలకు ఏమాత్రం లేదు.
……
మిత్రులారా , మన దేశ సంస్కృతికి, సనాతన ధర్మానికి అండగా నిలుస్తూ నిజమైన జాతీయవాదాన్ని మీకు అందిస్తున్న మీ ‘మై ఇండ్ మీడియా’ను ఇప్పుడే సబ్స్క్రైబ్ చేసుకోండి. అయోధ్య మందిరంపై జరుగుతున్న అబద్ధాల కుట్రలను తిప్పికొట్టే ఈ ప్రత్యేక విశ్లేషణను ప్రతి ఒక్క రామభక్తుడికి చేరేలా ఇప్పుడే షేర్ చేయండి. జై శ్రీరామ్! జై హింద్!
