ఎజిదిలు… ఒక విషాధగాధ…. మొదటి భాగం

ఇలా మత మౌఢ్య హింసకు తర తరాలుగా గురి అవుతూ మిగిలిన వున్న మరో ఒక చిన్న మత సమూహమే ఈ “యజదీలు”. వీరి సంఖ్య మొత్తంగా 10 లక్షల లోపే వుంటుంది అని ఒక అంచనా. వీరు ప్రస్తుతం ఎక్కువగా అంటే సుమారు 5 లక్షల వరకు ఉత్తర ఇరాక్ లో నైన్వే, దోహుక్ ప్రాంతాల్లో ఉంటున్నారు. ఇస్లామిక్ తీవ్రవాదులకు భయపడి మిగతా వారు జర్మనీ, బెల్జియం, అమెరికా మొదలగు దేశాలకు వలస పోయారు.

చారిత్రాత్మకంగా తప్పుగా అర్ధం చేసుకున్న ఒక మత సమూహం ఈ “యాజిదీలు”. వీరు ప్రధానంగా జాతిపరంగా కుర్దిష్ గా చెప్పబడతారు.

ఈ ఆరాధన ను ఇస్లాం కి వ్యతిరేకం అని ముద్ర వేసి 18, 19 వ శతాబ్దాలలో మొదట్లో మతమౌడ్య ఇస్లాం పాలకుల చేతుల్లో 72 భయంకర మారణకాండలలో వేలమంది ఏజిధీలు హతం అయితే ఆధునిక కాలంలో అల్ ఖైదా, ఇసిస్ వంటి ఇస్లాం తీవ్ర వాదుల చేతుల్లో భయంకరమైన హింసకు, మారణకాండకు గురి అవుతున్నారు. ఈ మారణకాండ లలో కొన్ని వేల మంది యేజిది పురుషులు చనిపోగా కొన్ని వేల మంది స్ర్తీలు, ఆడపిల్లలు ఈ ఇస్లామిక్ తీవ్రవాదుల చేతుల్లో బానిసలుగా బంధింపబడి వర్ణించలేనటువంటి అత్యాచారాలకు గురి అయ్యారు.

ఇస్లామిక్ మత మౌఢ్యం మరింత విస్తృతంగా పెరగడం వల్ల వేలాది మంది యాజిదీలు ఐరోపాలో ఆశ్రయం పొందడానికి వలస పోయారు. కొన్ని అంచనాల ప్రకారం, ఇరాక్‌ నుండి లక్షల మందికి పైగా యాజిదీలు దేశం విడిచి పారిపోయారు. ఇస్లాం మతం తీసుకోడానికి అంగీకరించని వారిపై దారుణ మారణకాండ జరిపారు

ఈ ఇస్లామిక్ తీవ్రవాద దాడులకు భయపడి గత అనేక సంవత్సరాలుగా, యాజిదీల ఆధ్యాత్మిక నాయకుడు బాబా షేక్, యాజిదీల పవిత్ర ప్రదేశమైన లలేష్ దేవాలయంలో అధికారిక వార్షిక మతపరమైన వేడుకలను దాడులకు భయపడి రద్దు చేసుకున్నారు.

ఇప్పుడు ఈ లాలేశ్ ప్రదేశమే హింసకు గురి అయిన యాజిదీలకు ఆశ్రయంగా మారినట్లు సమాచారం.

అన్నిటి కంటే ఈ యేజీది ల మీద దారుణం జరిగింది 2014 లో ఆగస్ట్ 3 వ తేదీన . ఆ తరువాత నరమేధం నెలల తరబడి కొనసాగింది.