గవర్నర్ పై సుప్రీం కోర్టుకు తెలంగాణ ప్రభుత్వం – బిల్లులు ఆమోదించేలా ఆదేశాలు ఇవ్వాలని రిట్ పిటిషన్

తెలంగాణ ప్రభుత్వం, గవర్నర్ మధ్య వివాదం ముదురుతోంది. ఏకంగా గవర్నర్ పై సుప్రీంకోర్టులోనే ఫిర్యాదు చేసింది రాష్ట్ర ప్రభుత్వం. 10 ముఖ్యమైన బిల్లులను గవర్నర్ తమిళిసై ఆమోదించలేదంటూ అత్యున్నత న్యాయస్థానంలో రిటి పిటిషన్ వేసింది. ప్రభుత్వ చీఫ్ సెక్రటరీ ఈ పిటిషన్ వేశారు. దీనిపై సుప్రీం రేపు విచారణ చేపట్టే అవకాశం ఉంది. తాము పంపిన బిల్లులను ఆమోదించి వెనక్కి పంపకుండా రాజ్ భవన్లోనే ఉంచారని… ఆ బిల్లులు ఆమోదించేలా గవర్నర్ కు ఆదేశించాలంటూ ప్రభుత్వం కోర్టును విజ్ఞప్తి చేసింది. ప్రతివాదిగా గవర్నర్ పేరును చేర్చారు.