నీటి తొట్టె చాలెంజ్- నీటి తొట్టె చాలెంజ్- ఆదిలాబాద్ జిల్లా పక్షిప్రేమికుడి వినూత్న ప్రచారం

రైస్ బకెట్ చాలెంజ్, ప్లాంట్ ఎ ట్రీ చాలెంజ్ తరహాలో నీటి తొట్టె చాలెంజ్ విసురుతున్నాడు ఆదిలాబాద్ కు చెందిన జక్కుల వెంకటేశ్ అనే వ్యక్తి.

దేశంలో ఎండలు మండిపోతున్నాయి. మరో రెండు నెలలు ఇంకాభానుడి ప్రతాపాన్ని తట్టుకోవాల్సిందే. ఇక ఎండలు ఈ స్థాయిలో దంచి కొడుతుండడంతో పశుపక్ష్యాదులు సైతం విలవిల్లాడుతున్నాయి. దీంతో కొందరు జంతు ప్రేమికులు వాటి దాహం తీర్చేందుకు ముందుకు వస్తున్నారు. ఎక్కడికక్కడ నీటి తొట్టెలు ఏర్పాటు చేస్తూ నీళ్లు, ఆహారం అందుబాటులో ఉంచుతున్నారు.

ఆదిలాబాద్ జిల్లాకు చెందిన ఓ వ్యక్తి అయితే అందరికీ నీటితొట్లు పంచుతున్నాడు. నీటి తొట్టె చాలెంజ్ అంటూ పిల్లలు, పెద్దలకు వాటిని ఇస్తూ… చాలెంజ్ విసురుతున్నాడు. స్నేహితులకు సవాల్ చేయాలని కోరుతున్నాడు. తద్వారా అన్ని ప్రదేశాల్లో ఉన్న పక్షులను కాపాడినట్టు అవుతామని సందేశం ఇస్తున్నారు.