సిక్కుల పవిత్ర గ్రంథం గురుగ్రంథ్ సాహిబ్ ను అపవిత్రం చేసే ప్రయత్నం చేసిన వ్యక్తిని కొట్టి చంపిన ఘటన అమృత్ సర్లోని ప్రసిద్ధ స్వర్ణదేవాలయంలో జరిగింది. అక్కడే ఉన్న ఎస్జీపీసీ సిబ్బంది పట్టుకుని బయటకు తీసుకువచ్చారు. వెంటనే పోలీసులకు సమాచారం ఇచ్చారు. ఆ లోగానే ఆగ్రహంతో ఊగిపోయిన భక్తులు అతనిపై ఒక్కసారిగా దాడిచేసి ఇష్టంవచ్చినట్టు కొట్టారు. దీంతో అక్కడికక్కడే చనిపోయాడు. చనిపోయిన వ్యక్తి ఎవరు..ఎక్కడినుంచి వచ్చాడు అనేది ఇంకా తెలియలేదు. 20-25 ఏళ్ల మధ్య వయసు ఉంటుందని చెబుతున్నారు. కేసు నమోదు చేసిన పోలీసులు దర్యాప్తు చేస్తున్నారు.
