పాకిస్తాన్ మాజీ ప్రధాని, పాకిస్థాన్ తెహ్రీక్-ఇ-ఇన్సాఫ్ (పీటీఐ) చీఫ్ ఇమ్రాన్ ఖాన్‌ను హత్య చేసేందుకు ఉగ్రవాదులు ప్లాన్ చేస్తున్నారని ఉగ్రవాద నిరోధక శాఖ ఖైబర్ పఖ్తున్ఖ్వా విభాగం హెచ్చరించినట్లు ప్రెస్ ట్రస్ట్ ఆఫ్ ఇండియా (పీటీఐ) వెల్లడించింది. ఖాన్‌ను లక్ష్యంగా చేసుకోవడానికి ఉగ్రవాదులు ఆఫ్ఘనిస్తాన్‌లోని ఒక హంతకుడు నుంచి సహాయం కోరినట్లు ఉగ్రవాద నిరోధక విభాగం తెలిపింది.
ఉగ్రవాద నిరోధక శాఖ, ఉర్దూ భాషా వార్తాపత్రిక ‘జాంగ్’ ప్రకారం.. ఖాన్ భద్రత కోసం సాధ్యమైన అన్ని చర్యలు తీసుకోవాలని అన్ని సంబంధిత ఏజెన్సీలను ఆదేశించినట్లు వార్తా సంస్థ నివేదించింది. ఉర్దూ భాషా వార్తాపత్రిక, ఉగ్రవాద నిరోధక విభాగం జూన్ 18 న ముందస్తు హెచ్చరిక జారీ చేసిందని తెలిపింది. అయితే బెదిరింపును రహస్యంగా ఉంచాలని.. సోషల్ మీడియాలో లీక్ కాకుండా నిరోధించాలని ఆదేశాలు ఉన్నాయని ఒక అధికారి తెలిపారు.
“కొంతమంది తమ పార్టీ చీఫ్‌ను హత్య చేసేలా ఒక ఉగ్రవాదికి పని కల్పించారు” అని పీటీఐ నాయకుడు ఫయాజ్ చోహన్ శనివారం అన్నారు. ఇమ్రాన్ ఖాన్‌ను హత్య చేయాలని కొందరు వ్యక్తులు ఆఫ్ఘనిస్తాన్‌లో ‘కొచ్చి’ అనే ఉగ్రవాదిని ఆదేశించినట్లు నా వద్ద వివరాలు ఉన్నాయి” అని అతను చెప్పాడు.
మాజీ ప్రధాని తన ప్రాణాలకు ముప్పు ఉందని గత నెలలో పేర్కొన్నాడు, దాని తర్వాత ఆయన తన ప్రభుత్వానికి వ్యతిరేకంగా కుట్ర వెనుక ఉన్న పాత్రల వీడియోను రికార్డ్ చేశాడు. ఇదే దృష్ట్యా పాకిస్థాన్ ప్రధాని షెహబాజ్ షరీఫ్ గత నెలలో ఖాన్‌కు ఇస్లామాబాద్‌లోని ఖాన్ నివాసం వద్ద, రాజకీయ ర్యాలీల సమయంలో ఫూల్‌ప్రూఫ్ భద్రత కల్పించాలని అంతర్గత మంత్రిత్వ శాఖను ఆదేశించారు.
