ప్రధాని నరేంద్ర మోదీ పర్యటనకు రెండు రోజుల ముందు శుక్రవారం తెల్లవారుజామున జమ్మూలోని ఆర్మీ సైనిక చేస్కపోస్ట్ సమీపంలో భద్రతా బలగాలు, ఉగ్రవాదుల మధ్య భీకర కాల్పులు జరిగాయి. కాల్పుల్లో ఇద్దరు ఉగ్రవాదులు మరణించగా, ఒక భద్రతా అధికారి ప్రాణాలు కోల్పోగా, మరో నలుగురు గాయపడ్డారని అధికారులు తెలిపారు.
జమ్మూ నగరంలోని సుంజ్వాన్ కంటోన్మెంట్ ప్రాంతంలో భద్రతా బలగాలు ముందస్తు ఆపరేషన్ ప్రారంభించిన తర్వాత ఎన్‌కౌంటర్ ప్రారంభమైంది. నగరంలో ఉగ్రవాదులు దాడికి ప్లాన్ చేసినట్లు తమకు సమాచారం ఉందని పోలీసులు తెలిపారు. సెంట్రల్ ఇండస్ట్రియల్ సెక్యూరిటీ ఫోర్స్ (CISF) అయితే, ఉగ్రవాదులు తమ సిబ్బంది ప్రయాణిస్తున్న బస్సును లక్ష్యంగా చేసుకున్నారని, ఉగ్రవాదులు అండర్ బ్యారెల్ గ్రనేడ్ లాంచర్ సాయంతో దాడి చేశారు. ఈ దాడిలో ఒక అసిస్టెంట్ సబ్ ఇన్‌స్పెక్టర్ మరణించగా, ఐదుగురు గాయపడ్డారు. గాయపడిన వారిలో సి ఐ ఎస్ ఎఫ్ సిబ్బంది తోపాటు జమ్మూకాశ్మీర్ పోలీసులు కూడా ఉన్నారు. దాడి సమయంలో బస్సులో 15 మంది సిబ్బంది ఉన్నట్లు సమాచారం.
దాడిలో మరణించిన ఉగ్రవాదులు జైషే మహమ్మద్ గ్రూపుకు చెందిన వారిగా అనుమానిస్తున్నారు.
ప్రధాని మోదీ ఆదివారం జమ్మూ చేరుకోనున్న నేపథ్యంలో ఈ దాడి జరిగింది. 2019 ఆగస్టులో రాష్ట్ర ప్రత్యేక హోదాను రద్దు చేసిన తర్వాత జమ్మూ కాశ్మీర్‌లో తన మొదటి రాజకీయ పర్యటనకు ముందు నగరంలోని కీలకమైన సైనిక స్థావరం సమీపంలో ఉగ్రవాదుల ఉనికి ప్రధాన భద్రతా సమస్యగా నెలకొంది. పల్లి గ్రామంలో వేలాది మంది పంచాయతీ సభ్యులు పాల్గొనే భారీ ర్యాలీలో ప్రధాని మోదీ ప్రసంగిస్తారు. పర్యటనకు ముందు, జమ్మూ కాశ్మీర్ అంతటా ఎటువంటి ఉగ్రవాద దాడి జరగకుండా భద్రతా దళాలు 24 గంటలూ గస్తీని నిర్వహిస్తున్నాయి, భద్రతా సిబ్బంది అత్యంత అప్రమత్తంగా ఉన్నారు.
కశ్మీర్ లోయలో గత నెల రోజుల నుంచి తీవ్రవాద ఘటనలు ఊపందుకున్నాయి. ఉగ్ర దాడుల్లో నలుగురు పంచాయితీ సభ్యులు మరణించారు, అనేక మంది వలస కార్మికులు గాయపడ్డారు. నిన్న బారాముల్లా జిల్లాలో భద్రతా బలగాల చేతిలో లష్కరే తోయిబా టాప్ కమాండర్ యూసుఫ్ కాంత్రూ సహా నలుగురు ఉగ్రవాదులు హతమయ్యారు. గురువారం ఉదయం ప్రారంభమైన ఆపరేషన్ ఇంకా కొనసాగుతోంది. అనుమానిత ప్రాంతంలో మరికొంత మంది ఉగ్రవాదులు ఉన్నట్లు భద్రతా బలగాలు అనుమానిస్తున్నాయి.
(మైఇండ్ మీడియా ఫేస్‌బుక్, ట్విటర్‌, ఇన్‌స్టాగ్రామ్‌ను ఫాలో అవ్వండి. యూట్యూబ్‌ చానల్ ను సబ్‌స్క్రైబ్ చేయండి.)
