మాజీ మంత్రి తెలుగుదేశం పార్టీ సీనియర్ నాయకుడు బొజ్జల గోపాలకృష్ణారెడ్డి కన్నుమూశారు. కొంతకాలంగా ఆయన అనారోగ్యంతో బాధపడుతున్నారు. మూడు నెలలపాటు ఆస్పత్రిలో ఉన్న బొజ్జల ఇటీవలే కొంత కోలుకొని ఇంటికి తిరిగి వచ్చారు. ఆరోగ్యం మెరుగుపడకపోవడంతో తిరిగి ఆయనను కుటుంబసభ్యులు అపోలో ఆసుపత్రిలో చేర్పించారు. హైదరాబాద్ అపోలోలో చికిత్స పొందుతూ చనిపోయారు. బొజ్జల ఐదుసార్లు ఎమ్మెల్యేగా గెలిచారు. చంద్రబాబు కేబినెట్లో మంత్రిగా పనిచేశారు. గోపాలకృష్ణారెడ్డి మృతిపట్ల చంద్రబాబు సహా టీడీపీ ప్రముఖులు, ఇతర పార్టీల నాయకులు సంతాపం తెలిపారు.
