బీజేపీ నాయకుడు తజిందర్ పాల్ సింగ్ బగ్గా పంజాబ్ పోలీసులు తనను అరెస్టు చేయడానికి వచ్చిన రోజుకు ఏం జరిగిందో తెలిపే ఓ వీడియో సోషల్మీడియాలో వైరల్ అవుతోంది..
“యూనిఫాం లేదు, వారెంట్ లేదు. రైఫిల్స్‌తో నా ఇంట్లోకి ప్రవేశించి ఉగ్రవాదుల్లాగా నన్ను లాక్కెళ్లారు. ఎందుకంటే గురుగ్రంథ సాహిబ్‌లోని బెడబ్బికి కారణమైన దోషులను అరెస్టు చేయాలని నేను అరవింద్ కేజ్రీవాల్, సీఎం భగవంత్ మాన్‌లను డిమాండ్ చేసాను” అంటూ ఆ వీడియోను ట్వీట్ చేశారు బగ్గా.
వీడియోలో మొదటగా బగ్గా ఇంటి ప్రధాన ద్వారం కనిపిస్తుంది. ఆ తర్వాత బ్రౌన్‌ టీషర్ట్‌, బ్లాక్‌ జీన్స్‌ ధరించి సివిల్ డ్రెస్‌లో ఉన్న ఓ వ్యక్తి ఫోన్‌లో మాట్లాడుతూ ఇంట్లోకి ప్రవేశించాడు. ఆ వ్యక్తి తన చేతిలో రైఫిల్ పట్టుకుని ఉన్నాడు. తర్వాత బగ్గా కూర్చున్న గదిలో నుంచి తలుపు తెరిచి ఒక వ్యక్తి మళ్ళీ సివిల్ డ్రెస్‌లో, సోఫాలో నుంచి బగ్గాను బయటకు తీయడానికి ప్రయత్నించడం గమనించవచ్చు.
కొంత సమయం తర్వాత, కొంతమంది పోలీసు అధికారులు, సివిల్ డ్రెస్‌లో ఉన్న వ్యక్తులు అతన్ని ఇంటి నుంచి బయటకు తీసుకెళ్లారు. బగ్గాను బలవంతంగా వాహనంలోకి తోసేసినట్టు స్పష్టంగా వీడియోలో ఉంది.
NEW VIDEO
Civil Dress,No Uniform,No Warrant, Entered in my home With Rifles and dragged my Like Terrorists. Because I demanded @ArvindKejriwal & @BhagwantMann to arrest the Culprits who are responsible for Bedabbi of Guru Granth Sahib. pic.twitter.com/i1nY9EdeJm— Tajinder Bagga (@TajinderBagga) May 25, 2022
పంజాబ్ పోలీసులు మే 6న ఢిల్లీలో బీజేపీ నాయకుడు తజిందర్ పాల్ సింగ్ బగ్గాను అరెస్టు చేశారు. 50 మంది పంజాబ్ పోలీసు అధికారులు అతనిని అరెస్టు చేయడానికి పది నుంచి పన్నెండు కార్లలో తజిందర్ బగ్గా నివాసానికి వెళ్లారు. బగ్గాను అక్రమంగా నిర్బంధించారనే వార్త ప్రచారం కావడంతో భారీ సంఖ్యలో బీజేపీ నాయకులు, అతని మద్దతుదారులు జనక్‌పురి పోలీస్ స్టేషన్‌కు చేరుకున్నారు. వరుస సంఘటనల తరువాత, అధికారం లేకుండా తజిందర్ బగ్గాను అతని ఇంటి నుంచి అరెస్ట్ చేసినందున పంజాబ్ పోలీసులపై ఢిల్లీ పోలీసులు కిడ్నాప్ ఫిర్యాదు చేశారు. కేసు నమోదు చేసిన తర్వాత, హర్యానా పోలీసులు తజిందర్ పాల్ సింగ్ బగ్గాను అతని ఢిల్లీ నివాసం నుంచి అరెస్టు చేసిన తర్వాత పంజాబ్‌కు వెళ్ళే మార్గంలో పంజాబ్ పోలీసు బృందాన్ని కురుక్షేత్రలో నిలిపివేశారు.
ఢిల్లీ పోలీసులు అదే రోజు సాయంత్రం అక్కడికి చేరుకుని తజిందర్ బగ్గాను తిరిగి ఢిల్లీకి తీసుకొచ్చారు.
