కర్ణాటకలో మరో పరువు హత్య వెలుగులోకి వచ్చింది. ఒక ముస్లిం యువతి హిందూ దళిత యువకుడితో ప్రేమలో పడగా ఆ యువకుడైన అమ్మాయి సోదరులు పొట్టనబెట్టుకున్నారు. విజయ్ కాంబ్లే అనే వ్యక్తిని హత్య చేసిన 19 ఏళ్ల ఇద్దరు ముస్లిం యువకులను కలబుర్గిలో పోలీసులు అరెస్టు చేశారు.
ఇద్దరు నిందితులు 19 ఏళ్ల షహబుద్దీన్ సహా 19 ఏళ్ల నవాజ్.. కలబుర్గిలోని వాడి పట్టణంలో సోమవారం రాత్రి 25 ఏళ్ల దళిత వ్యక్తి విజయ్ కాంబ్లేపై ఇనుప రాడ్‌తో దాడి చేసి పొడిచారు.
భీమా నగర్ లేఅవుట్‌కు చెందిన విజయ కాంబ్లే అనే వ్యక్తి షహబుద్దీన్ అక్కతో ప్రేమలో ఉన్నాడు. అక్కతో సంబంధం ఉందనే విషయం తెలిసి హిందూ దళితుడిని ఇద్దరు ముస్లిం యువకులు హత్య చేశారు.
షహబుద్దీన్ ఆరు నెలల క్రితం కాంబ్లే ఇంటికి వచ్చాడని.. తన సోదరితో సంబంధం పెట్టుకోవద్దని వార్నింగ్ ఇచ్చాడని మృతుడి తల్లి తెలిపింది. విజయ్ పని నుంచి తిరిగి వచ్చాక, అతనికి ఫోన్ కాల్ వచ్చి ఎక్కడికో వెళ్లాడని ఆమె చెప్పింది. అతనిని తలపై కొట్టి.. కత్తితో పొడిచారని అతని తల్లి కన్నీరుమున్నీరైంది.
https://twitter.com/Netaji_bond_/status/1529823561182982148?s=20&t=fvoOI-ZNXi6phgoM2j8U5A
ఇది మతాంతర సంబంధం అవడంవల్లే యువకుడిని చంపారని కలబుర్గి ఎస్పీ ఇషాపంత్ తెలిపారు. పోలీసులు ఇద్దరు నిందితులపై ఐపీసీ సెక్షన్ 304 (హత్య) కింద కేసు నమోదు చేశారు.
మే 25న షహబుద్దీన్, నవాజ్‌లు కాంబ్లేను రైల్వే బ్రిడ్జి కిందకు తీసుకెళ్లి ఆయుధాలు, రాళ్లు, ఇటుకలతో దాడి చేశారు. బాధితురాలిపై పాశవికంగా దాడి చేసి చివరకు చంపినట్లు పోలీసులు తెలిపారు. దాడి చేయడంతో అతను అక్కడికక్కడే తీవ్ర రక్తస్రావమై ప్రాణాలు కోల్పోయాడు.
ఈ ఘటన తర్వాత కలబుర్గి (వాడి)లో పరిస్థితి ఉద్రిక్తంగా మారింది. శాంతిభద్రతల పరిరక్షణకు పోలీసులు అదనపు సిబ్బందిని రంగంలోకి దించారు.
