హుజూరాబాద్, బద్వేలు అసెంబ్లీ స్థానాలు సహా దేశవ్యాప్తంగా ఖాళీఅయిన ఎమ్మెల్యే, ఎంపీ స్థానాల ఉప ఎన్నికకు ఈసీ షెడ్యూల్ విడుదల చేసింది. వివిధ రాష్ట్రాలల్లోని మూడు పార్లమెంట్ , 30 అసెంబ్లీ స్థానాలకు అక్టోబర్ 30న పోలింగ్ జరగనుంది. నవంబర్ రెండున ఫలితాలు విడుదలవుతాయి. మాజీ మంత్రి ఈటల రాజేందర్ రాజీనామాతో తెలంగాణలోని హుజూరాబాద్ స్థానానికి, వైసీపీ ఎమ్మెల్యే డా. వెంకటసుబ్బయ్య మృతిలో ఏపీలోని బద్వేలు స్థానానికి ఎన్నిక అనివార్యమైంది. కోవిడ్ వ్యాప్తి నియంత్రణలో ఉండడంతో ఈసీ షెడ్యూల్ ప్రకటించింది.
