భీమ్లానాయక్ సినిమాతో తన గళాన్ని వినిపిస్తూ, పన్నెండుమెట్ల కిన్నెర కళను ప్రదర్శించిన కిన్నెర మొగిలయ్యకు 2 లక్షల రూపాయల ఆర్థికసాయం అందించారు పవర్ స్టార్ పవన్ కల్యాణ్. ‘పవన్ కల్యాణ్ లెర్నింగ్ సెంటర్ ఫర్ హ్యూమన్ ఎక్సిలెన్స్’ ద్వారా ఈ సాయాన్ని విడుదల చేశారు.
నాగర్‌కర్నూల్‌ జిల్లా లింగాల మండలం అవుసలికుంట గ్రామానికి చెందిన మొగులయ్య పన్నెండు మెట్ల కిన్నెర పలికించే వారిలో ఆఖరితరం కళాకారుడు. ఆ కళ గురించి, మొగిలయ్య గురించి తెలుసుకున్న పవన్..తన తాజా చిత్రం భీమ్లా నాయక్ లో పాడే అవకాశాన్ని కల్పించాడు. ఇటీవలే రిలీజైన ఈ సాంగ్ లో కిన్నెర మొగిలయ్య కూడా కనిపిస్తారు.
కిన్నెర మొగిలయ్యకు జనసేన అధినేత పవన్ కళ్యాణ్ ఆర్థికసాయం చేసిన విషయం తెలుసుకున్న తెలంగాణ గవర్నర్ డాక్టర్ తమిళిసై సౌందరరాజన్ ఆయన్ని అభినందించారు..
https://twitter.com/DrTamilisaiGuv/status/1434560152875659271?s=20
