వరుస హిట్లతో జూనియర్ ఎన్టీఆర్ మంచి ఫామ్ లో ఉన్నారు. కథ, కథనం తో పాటు టీం ఎంపిక లో చాలా జాగ్రత్తలు తీసుకొంటారు. అందుచేత ఎన్టీఆర్ సినిమా అంటే నిర్మాత కు లాభాలు గ్యారెంటీ. బ్యాక్ టు బ్యాక్ హిట్స్ తో దూసుకెళ్తున్న జూనియర్ ఎన్టీఆర్ ఇందులో భాగంగానే ప్రముఖ దర్శకుడు ప్రశాంత్ నీల్ తో ఓ సినిమా నిర్మించనున్నాడు. ఈ విషయాన్ని గతేడాది అధికారికంగా ప్రకటించారు. అప్పటి నుంచి ఈ సినిమా మీద అంచనాలు భారీగా పెరిగాయి.
ఈ సినిమా నిర్మాణంలో అనివార్య కారణాల వల్ల జాప్యం జరిగింది. ఒక దశలో ఈ ప్రాజెక్ట్ క్యాన్సిల్ అవుతుందని అందరూ అనుకున్నారు. అయితే తాజాగా ఎన్టీఆర్ పుట్టినరోజు సందర్భంగా ఆగస్ట్‌లో సినిమాను విడుదల చేయనున్నట్టు చిత్ర యూనిట్ అధికారికంగా ప్రకటించింది.
ఇందులో నటించబోయే హీరోయిన్ గురించి రకరకాల వార్తలు వస్తున్నాయి. అలాగే ఈ సినిమాలో హీరోయిన్‌గా బాలీవుడ్ బ్యూటీ దీపికా పదుకొణె ఎంపికైనట్లు కొన్ని రోజుల క్రితం వార్తలు వచ్చాయి.
ఈ చిత్రంలో ఎన్టీఆర్ సరసన బాలీవుడ్ నటి కియారా అద్వానీ కథానాయికగా నటిస్తుందని తెలిసింది. ఇప్పటికే నిర్మాత నుంచి ఆఫర్ వచ్చిందని అంటున్నారు. అందుకే ఈ జంటపై అంచనాలు భారీగా ఉన్నాయి. కియారా ప్రస్తుతం రామ్ చరణ్‌తో గేమ్ ఛేంజర్‌లో నటిస్తున్న సంగతి తెలిసిందే.
ఇదిలా ఉంటే… జూనియర్ ఎన్టీఆర్ – ప్రశాంత్ నీల్ కాంబోలో మైత్రీ మూవీ మేకర్స్, నందమూరి తారక రామారావు ఆర్ట్స్ సంయుక్తంగా ఈ చిత్రాన్ని నిర్మించనున్నాయి. ఈ చిత్రానికి ‘డ్రాగన్‌’ అనే టైటిల్‌ని ఖరారు చేసినట్లు సమాచారం.
మొత్తం మీద హీరోయిన్ పేరు కూడా వెల్లడైపోయింది కాబట్టి ఈ సినిమా మీద అంచనాలు భారీగా పెరుగుతున్నాయి.
