ప్రపంచంలోనే అత్యంత వేగవంతమైన మానవ కాలిక్యులేటర్‌గా పేరుగాంచిన 22 ఏళ్ల హైదరాబాద్‌కు చెందిన నీలకంఠ భాను ప్రకాష్ మరో మైలురాయిని సాధించాడు. అతను స్థాపించిన మ్యాథ్ ఎడ్-టెక్ స్టార్ట్-అప్ అయిన ‘భంజు’లో చేస్తోన్న పనులకు ప్రతిష్టాత్మక ఫోర్బ్స్ 30 అండర్ 30 ఆసియా జాబితాలో అతను పేరు పొందాడు.
గణితంపై ప్రపంచవ్యాప్తంగా ఉన్న భయాలను నిర్మూలించడం, అరథమెటిక్ పై విద్యార్థుల తప్పుడు అవగాహనలను మార్చడమే లక్ష్యంగా కంపెనీని 2020లో స్థాపించారు. భాను ప్రకాష్ ప్రకారం, అతడి అభ్యాస విధానం వాళ్ళ పిల్లల్లో వారి గణిత నైపుణ్యాలను మెరుగుపరుస్తుంది అని అన్నారు.
“ఫోర్బ్స్‌లో గుర్తింపు పొందడం చాలా ఆనందంగా ఉంది.. నేను ఈ మైలురాయిని నా బృందానికి అంకితం చేస్తున్నా” అని అతను చెప్పాడు. అతను ప్రపంచంలోనే అత్యంత వేగవంతమైన మానవ కాలిక్యులేటర్‌గా అవతరించడంలో తన ప్రయాణం అవార్డులు గెలుచుకోవడం, రికార్డులు బద్దలు కొట్టడం లేదా స్టేజ్ షోలు చేయడంతో ఆగిపోలేదు. ప్రపంచవ్యాప్తంగా గణితాన్ని బోధించడానికి 5 సంవత్సరాలకు పైగా గడిపినందున, విద్యార్థులలో బలమైన ఉత్సుకతను రేకెత్తించడం అపూర్వమైన అభ్యాస ఫలితాలకు దారితీస్తుందని నేను గ్రహించాను” అని భాను చెప్పాడు.
భాను 17 ఏళ్ల వయసులో ప్రపంచంలోనే అత్యంత వేగవంతమైన మానవ కాలిక్యులేటర్‌గా నిలిచాడు. ‘ఉసేన్ బోల్ట్ ఆఫ్ మ్యాథమెటిక్స్’ అని కూడా పిలుస్తారు. అతను 2020లో యునైటెడ్ కింగ్‌డమ్‌లోని మైండ్ స్పోర్ట్స్ ఒలింపియాడ్‌లో బంగారు పతకాన్ని గెలుచుకున్న మొదటి భారతీయుడు. అతను గతంలో శకుంతలా దేవి, స్కాట్ ఫ్లాన్స్‌బర్గ్ పేరిట ఉన్న రికార్డులను కూడా బద్దలు కొట్టాడు.
