బీజేపీ మాజీ అధికార ప్రతినిధి నుపుర్ శర్మ జాడ తెలియడం లేదని, ఆమె కోసం వెతుకుతున్నామని మహారాష్ట్ర పోలీసులు తెలిపారు. మహ్మద్ ప్రవక్తపై నూపుర్ శర్మ చేసిన ప్రకటనలపై మహారాష్ట్రలోని పలు పోలీస్ స్టేషన్లలో అనేక ఎఫ్‌ఐఆర్‌లు నమోదయ్యాయి. మహారాష్ట్ర ప్రభుత్వ అధికారుల ప్రకారం, ఆమె ప్రస్తుతం జాడ లేదు.. పోలీసులు ఆమెను గుర్తించలేకపోయారు.
మహ్మద్ ప్రవక్తపై అభ్యంతరకరమైన ప్రకటనలు చేసిన ఆమె ముస్లింలచే దేశవ్యాప్తంగా హింసను ఎదుర్కున్న తర్వాత ఆమెపై అనేక ఫిర్యాదులు వచ్చిన తర్వాత చాలా రోజులుగా నూపుర్ శర్మ జాడ తెలియకుండానే ఉందని మహారాష్ట్ర పోలీసులు పేర్కొన్నారు. ముస్లిం సంస్థ రజా అకాడమీ జాయింట్ సెక్రటరీ ఇర్ఫాన్ షేక్ ఫిర్యాదు మేరకు ముంబై పోలీసులు నూపుర్ శర్మపై పైడోనీ పోలీస్ స్టేషన్‌లో కేసు నమోదు చేశారు. ముంబైలోని పైడోనీ పోలీస్ స్టేషన్‌లో జూన్ 25న నూపుర్ శర్మ పోలీసుల ముందు హాజరుకావాల్సి ఉంది. ఫిర్యాదులపై నూపుర్ శర్మను విచారించడానికి ఒక బృందాన్ని ఢిల్లీకి పంపారు, అయితే అక్కడ ఆమె కనిపించలేదు. ఈ కేసుకు సంబంధించి నూపుర్ కోసం ముంబై పోలీసుల బృందం వెతుకుతోంది. ఈ నేరానికి సంబంధించి నూపుర్ శర్మను అరెస్టు చేసేందుకు తగిన ఆధారాలు ముంబై పోలీసుల వద్ద ఉన్నాయని మహారాష్ట్ర హోం మంత్రిత్వ శాఖ అధికారులు తెలిపారు. ఆమె కోసం దేశ రాజధానిలో ఐదు రోజులుగా పోలీసు బృందం వెతుకుతోంది. ముంబై తోపాటు మహారాష్ట్రలోని పలు చోట్ల నూపుర్ శర్మపై పలు ఎఫ్‌ఐఆర్‌లు నమోదు కావడం గమనార్హం.
Ex-BJP leader #NupurSharma untraceable, cops searching in #Delhi, says #Maharashtra governmenthttps://t.co/Uz4N5q3kL1
— DNA (@dna) June 17, 2022
మహారాష్ట్ర హోం మంత్రి దిలీప్ వాల్సే పాటిల్ కూడా నూపుర్ శర్మకు సర్వీస్ సమన్లు పంపడంలో, అలాగే ఆమె ఆచూకీ వెతకడంలో ఢిల్లీ పోలీసులు సహకరించడం లేదని ఆరోపించారు.
ముంబై పోలీసుల తోపాటు థానే పోలీసులు, భివాండి పోలీసులు, ముంబ్రా పోలీసులు నూపుర్ శర్మపై ఫిర్యాదులు నమోదైన తర్వాత ఎఫ్‌ఐఆర్‌లు నమోదు చేశారు.
తృణమూల్ కాంగ్రెస్ మైనారిటీ సెల్ జనరల్ సెక్రటరీ అబుల్ సోహైల్ ఫిర్యాదు మేరకు కోల్‌కతా పోలీసులు నూపుర్ శర్మపై ఎఫ్‌ఐఆర్‌లు నమోదు చేశారు. కోల్‌కతా పోలీసులు జూన్ 20న వాంగ్మూలం ఇవ్వడానికి ఆమెకు సమన్లు పంపారు. ఢిల్లీ, హైదరాబాద్ పోలీసులు కూడా నూపుర్ శర్మపై ఎఫ్‌ఐఆర్ దాఖలు చేశారు.
