దైవదూషణ చేస్తున్నవాళ్లను హత్య చేయాలంటూ ప్రవక్త కలలోకి వచ్చి చెప్పినందున ఒక మహిళను సహోద్యోగి హత్య చేసిన సంఘటన పాకిస్థాన్‌ లో డేరా ఇస్మాయిల్ ఖాన్ ప్రాంతంలో జరిగింది. పాకిస్తాన్‌లోని ఖైబర్ పఖ్తున్‌ఖ్వా నగరంలో ఒక మదర్సా టీచర్ దైవ దూషణకు పాల్పడిందని.. తన కలలోకి ప్రవక్త వచ్చి చెప్పాడని సహోద్యోగులే ఆ మహిళను కిరాతకంగా హత్య చేశారు.
Teacher at a madrassa in Dera Ismail Khan murdered by her colleagues over allegations of blasphemy as seen in a dream. pic.twitter.com/YRgKKuS1xB
— Naila Inayat (@nailainayat) March 29, 2022
డీఐ ఖాన్ జిల్లా పోలీసులు ముగ్గురు మహిళా మదర్సా టీచర్లను అరెస్టు చేశారు, అందులో ఒక యువకుడు, 13 ఏళ్ల బాలిక ఉన్నారు. అంజుమాబాద్‌లోని జామియా ఇస్లామియా ఫలాహుల్ బినాత్ సెమినరీలో ముగ్గురు అనుమానితులు, బాధితురాలు ఉపాధ్యాయులుగా పనిచేస్తున్నారు. సెమినరీకి చెందిన ముగ్గురు ఉపాధ్యాయులు తమ సహోద్యోగులలో ఒకరు మౌలానా తారిఖ్ జమీల్ అనే ముద్రతో దైవదూషణకు పాల్పడ్డారని ఆరోపించడంతో ఇదంతా మొదలైంది. గొడవ సద్దుమణగకపోవడంతో నిందితురాలు మహిళను కత్తితో పొడిచి గొంతు కోసి చంపింది.
బాధితురాలు తనపై దైవదూషణకు పాల్పడినట్లు ప్రవక్త తమ బంధువుల్లో ఒకరైన పదమూడేళ్ల బాలిక కలలో వెల్లడించినట్లు ముగ్గురు నిందితులు వెల్లడించినట్లు పోలీసు వాంగ్మూలం నమోదు చేశారు. ప్రవక్త కూడా బాధితురాలిని వధించమని ఆదేశించాడని ఆ అమ్మాయి తెలిపింది.
అరెస్టయిన మహిళల్లో 24 ఏళ్ల ఉమ్రా అమన్, 21 ఏళ్ల రజియా హన్ఫీ, 17 ఏళ్ల ఆయిషా నోమానీ సహా కలను చూసిన 13 ఏళ్ల అమ్మాయి కూడా ఉన్నారు. మహిళను నరికి చంపడానికి వాడిన కత్తిని పోలీసులు అదుపులోకి తీసుకున్నారు. కలలో ఏమేమి చేసిందనే విషయాలను బాలిక నుంచి పూర్తిగా తెలుసుకున్నారు పోలీసులు. అనుమానితులందరూ వాస్తవానికి దక్షిణ వజీరిస్థాన్ జిల్లాకు చెందిన వారని.. అయితే కొంత కాలం నుంచి డిఐ ఖాన్‌లోని అర్జుమాబాద్‌లో నివసిస్తున్నారని నివేదించారు. కేసు దర్యాప్తు కొనసాగుతోంది.
