తెలంగాణ రాజధాని హైదరాబాద్ అంతర్జాతీయ హోదా దక్కించుకొంది. ప్రపంచ నగరాల జాబితాలో స్థానం నిలుపుకుంది. ప్రజల జీవన ప్రమాణాల ఆధారంగా ఈ ర్యాంకింగ్ నిర్వహిస్తుంటారు దీని ద్వారా హైదరాబాద్ కు మంచి గుర్తింపు లభించినట్లు అయింది.
తాజాగా ‘ఆక్స్‌ఫర్డ్‌ ఎకనామిక్స్‌ గ్లోబల్ సిటీస్‌ ఇండెక్స్‌-2024’ పేరుతో తాజాగా విడుదల చేసిన ఒక నివేదికలో హైదరాబాద్ ప్రపంచస్థాయి నగరాల జాబితాలో చోటు సంపాదించుకుంది.
ప్రపంచవ్యాప్తంగా 564వ స్థానంలో హైదరాబాద్ ఉంది. గ్లోబల్ సిటీస్‌ ఇండెక్స్‌ ప్రకారం ప్రపంచంలోని అగ్ర నగరాల జాబితాలో ఢిల్లి గ్లోబల్ ర్యాంక్‌ 350 సాధించి భారత్‌లో తొలిస్థానంలో నిలిచింది. ప్రపంచవ్యాప్తంగా, ఈ జాబితాలో న్యూయార్క్‌ అగ్రస్థానంలో ఉందని నివేదిక పేర్కొంది.
స్వతంత్ర ఆర్థిక సలహా సంస్థగా పేరొందిన ఆక్స్‌ఫర్డ్‌ ఎకనామిక్స్‌ ఇచ్చిన ర్యాంకింగ్‌లో భారతదేశంలోని టాప్‌-10 నగరాల జాబితాలో హైదరాబాద్ 9వ స్థానంలో నిలిచింది. ఎకనామిక్స్‌, హ్యూమన్‌ క్యాపిటల్‌, జీవన నాణ్యత, పర్యావరణం, పాలన అనే నాలుగు అంశాల ఆధారంగా ర్యాంకులను ఇచ్చినట్టు గ్లోబల్ సిటీస్‌ ఇండెక్స్‌ పేర్కొంది. నాలుగు ఇండెక్స్‌లో హైదరాబాద్ ఎకనామిక్స్‌లో అత్యుత్తమ పనితీరు కనబరించింది.
నాలుగు అంశాల ఆధారంగా హైదరాబాద్ నగర ప్రపంచ ర్యాకింగ్స్‌ ఇలా ఉన్నాయి.
ఎకనామిక్స్‌: 253
హ్యుమన్‌ క్యాపిటల్‌: 524
జీవన ప్రమాణాలు 882
పర్యావరణం: 674
భారతదేశంలో సమ శీతల వాతావరణం ఉన్న నగరంగా హైదరాబాద్ ని చెబుతారు. దీంతో పాటుగా పరిశ్రమలు, ఐటి కంపెనీలు విస్తారంగా ఉండటంతో ప్రజల ఆదాయాలు ఎక్కువగా కనిపిస్తున్నాయి. ఈ అంశాల ఆధారంగా హైదరాబాద్ కు గ్లోబల్ గుర్తింపు లభించింది.
