తెలుగు రాష్ట్రాలకూ వందే భారత్ – 2023 ఫిబ్రవరిలోగా నడిపేందుకు భారతీయ రైల్వే సన్నాహాలు

తెలుగు రాష్ట్రాల ప్రజలు ఎప్పుడా అని ఎదురుచూస్తున్న సెమీ హై స్పీడ్ రైలు వందే భారత్… 2023 ఫిబ్రవరి లోగా ఇక్కడకు రానుంది. సికింద్రాబాద్ నుంచి విజయవాడ మధ్య వందే భారత్ ట్రైన్‌ను నడపాలన్న ప్రతిపాదనకు భారతీయ రైల్వే ఆమోదం తెలిపింది. ఆ మేరకు సన్నాహాలు మొదలయ్యాయి కూడా. అయితే విజయవాడ వరకే కాక.. విశాఖపట్నం వరకు పొడిగించే ప్రతిపాదనపై చర్చ నడుస్తోంది., సాధ్యాసాధ్యాలు అధ్యయనం చేస్తున్నారు రైల్వే నిపుణులు. ప్రస్తుతం న్యూ ఢిల్లీ-వారణాసి, న్యూ ఢిల్లీ-శ్రీ మాతా వైష్ణో దేవి కాట్రా, న్యూ ఢిల్లీ-అంబ్ అందౌరా, ముంబై సెంట్రల్-గాంధీ నగర్‌, మైసూర్-చెన్నై రూట్లలో వందే భారత్ రైళ్లు నడుస్తున్నాయి. భారతప్రధాని నరేంద్రమోదీ వాటిని ప్రారంభించారు. సికింద్రాబాద్- విజయవాడ రైలునూ ప్రధానే ప్రారంభిస్తారని అధికారులు తెలిపారు.