జులై 4లోగా తన ప్రభుత్వం జారీ చేసిన గత ఉత్తర్వులన్నింటినీ పాటించాలని ట్విట్టర్‌కు కేంద్రం నోటీసు జారీ చేసింది. ఎలక్ట్రానిక్స్, IT మంత్రిత్వ శాఖ జూలై 4 వరకు ఈ గడువు విధించింది, విఫలమైతే ట్విట్టర్ మధ్యవర్తి స్థితిని కోల్పోవచ్చు, అంటే ఆ ప్లాట్‌ఫారమ్‌లో పోస్ట్ చేసిన అన్ని వ్యాఖ్యలకు ట్విట్టర్ బాధ్యత వహిస్తుంది అని తెలిపింది.
“ఇప్పటి వరకు జారీ చేసిన అన్ని ప్రభుత్వ ఉత్తర్వులను పాటించాలని ట్విట్టర్‌కు జూన్ 27 న నోటీసు జారీ చేసాం. ఈ నెల ప్రారంభంలో ట్విట్టర్ కు నోటీసులు జారీ చేసినా కానీ అది వాటిని పాటించలేదు. ఇది చివరి నోటీసు” అని ప్రభుత్వ వర్గాలు తెలిపాయి.
ట్విట్టర్ కు పంపించిన ఇమెయిల్ కు తక్షణ ప్రతిస్పందన లేదు, ట్విట్టర్ అనేక సందర్భాల్లో ప్రభుత్వంతో విభేదించింది.
2021 జూన్ 26న ప్రభుత్వం నుంచి వచ్చిన ఆదేశాల ఆధారంగా బ్లాక్ చేసిన 80కి పైగా ట్విట్టర్ ఖాతాలు, అలాగే ట్వీట్‌ల జాబితాను సమర్పించింది. అంతర్జాతీయ న్యాయవాద గ్రూప్ ఫ్రీడమ్ హౌస్, జర్నలిస్టులు, రాజకీయ నాయకులు, రైతు నిరసన మద్దతుదారుల నుంచి కొన్ని ఖాతాలు.. కొన్ని ట్వీట్‌లను బ్లాక్ చేయమని ప్రభుత్వం ఆదేశించింది. అయితే, అనేక ఇతర ఉత్తర్వులు ఉన్నాయని, వీటిని ట్విట్టర్ ఇంకా పాటించాల్సి ఉందని.. వాటిని పాటించేందుకు జూలై 4 వరకు తుది గడువు ఇచ్చామని ప్రభుత్వ వర్గాలు తెలిపాయి.
