నమస్కారం… భారత ఆర్థిక వ్యవస్థలో ఇంధన భద్రత అనేది ఒక కీలక అంశం. ముఖ్యంగా ప్రతి సామాన్యుడి వంటింటితో ముడిపడి ఉన్న గ్యాస్ సిలిండర్ రాజకీయం ఇప్పుడు దేశవ్యాప్తంగా చర్చనీయాంశమైంది. ఒకప్పుడు గ్యాస్ సిలిండర్ కోసం యుద్ధాలు చేయాల్సి వచ్చేది. కానీ నేడు ఫోన్ కొడితే చాలు ఇంటి ముందు సిలిండర్ వాలిపోతోంది. ఈ మార్పు ఎలా సాధ్యమైంది? అంతర్జాతీయంగా యుద్ధాలు జరుగుతున్నా, ధరలు ఆకాశాన్ని తాకుతున్నా భారత్లో సరఫరా ఎందుకు ఆగలేదు? అసలు ప్రతిపక్షాలు చేస్తున్న కొరత ప్రచారం వెనుక ఉన్న అసలు కుట్రలేమిటి? దీనిపై మైండ్ మీడియా ప్రత్యేక కథనం.
…………
2014కు ముందు పరిస్థితులను ఒక్కసారి గుర్తుచేసుకుంటే.. అదొక పీడకల. ఒక గ్యాస్ కనెక్షన్ పొందాలంటే ఎంపీల చుట్టూ, గ్యాస్ ఏజెన్సీల చుట్టూ చెప్పులు అరిగేలా తిరగాల్సి వచ్చేది. సిలిండర్ బుక్ చేసినా నెలల తరబడి వేచి చూడటం, ఏజెన్సీల ముందు తెల్లవారుజామునే క్యూ లైన్లలో నిలబడటం నిత్యకృత్యం. నాడు గ్యాస్ అనేది కేవలం సంపన్నుల వస్తువుగా మాత్రమే ఉండేది. గ్రామాల్లోని పేద మహిళలు పొయ్యి పొగతో ఊపిరితిత్తుల వ్యాధుల బారిన పడేవారు. అప్పట్లో డిమాండ్ కంటే సరఫరా చాలా తక్కువగా ఉండేది, దానికి తోడు బ్లాక్ మార్కెట్ మాఫియా రాజ్యమేలేది.
…………………………………………….
ప్రధానమంత్రి గా నరేంద్ర మోదీ అధికారం చేపట్టాక ‘సబ్ కా సాత్ – సబ్ కా వికాస్’ మంత్రంతో ఈ వ్యవస్థను పూర్తిగా ప్రక్షాళన చేశారు.
ఉజ్వల విప్లవం: “ప్రధానమంత్రి ఉజ్వల యోజన” ద్వారా దేశవ్యాప్తంగా 10 కోట్లకు పైగా పేద కుటుంబాలకు ఉచిత గ్యాస్ కనెక్షన్లు ఇచ్చారు. నేడు గ్రామాల్లో చిట్టచివరి గడపకు కూడా గ్యాస్ చేరువయ్యింది.
సరఫరా వ్యవస్థ బలోపేతం: గ్యాస్ బాట్లింగ్ ప్లాంట్ల సంఖ్యను పెంచడం, పైప్లైన్ గ్రిడ్ను విస్తరించడం ద్వారా సరఫరాలో ఉన్న అడ్డంకులను తొలగించారు.
డిజిటల్ విప్లవం: నేడు వాట్సాప్, మొబైల్ యాప్స్ లేదా ఒక మిస్డ్ కాల్తో సిలిండర్ బుక్ చేసుకునే వెసులుబాటు కలిగింది. గతంలో లాగా పైరవీలు, క్యూ లైన్ల అవసరం లేకుండానే సునాయసంగా డెలివరీ జరుగుతోంది.
…………………………………………………………………….
ఇక్కడ ఇంకో విషయం చెప్పాలి. ప్రస్తుతం రష్యా-ఉక్రెయిన్ యుద్ధం, పశ్చిమ ఆసియాలో నెలకొన్న ఉద్రిక్తతల వల్ల ప్రపంచవ్యాప్తంగా ఇంధన సరఫరా గొలుసు దెబ్బతిన్నది. యూరప్ వంటి అభివృద్ధి చెందిన దేశాల్లో కూడా గ్యాస్ కొరత ఏర్పడి ధరలు చుక్కలు చూపిస్తున్నాయి. కానీ, భారత్లో మాత్రం ప్రధాని మోదీ దౌత్యం మరియు ముందుచూపు వల్ల నిరంతరాయంగా సరఫరా కొనసాగుతోంది. అంతర్జాతీయ మార్కెట్లో ధరలు పెరిగినప్పటికీ, దేశీయంగా సామాన్యుడిపై భారం పడకుండా ప్రభుత్వం సబ్సిడీలను భరిస్తూ రక్షణ కవచంలా నిలుస్తోంది.
………………………………………………………..
కానీ గల్ఫ్ యుద్ధం మొదలవ్వగానే కుహానా వాదులు రంగంలోకి దిగిపోయారు. ప్రతిపక్ష పార్టీలు మరియు కొన్ని మీడియా సంస్థలు ఉద్దేశపూర్వకంగానే “గ్యాస్ కొరత” అంటూ దుష్ప్రచారం చేస్తున్నాయి. దీని వెనుక ఉన్న కుట్రను అర్థం చేసుకోవాలి. ఎన్నికల ప్రయోజనాల కోసం ప్రజల్లో ఆందోళన కలిగించడమే వీరి ప్రధాన ఉద్దేశ్యం. ఎక్కడైనా సాంకేతిక కారణాల వల్ల లేదా స్థానిక సమస్యల వల్ల సరఫరాలో చిన్న ఆలస్యం జరిగితే, దాన్నే దేశవ్యాప్త కొరతగా చిత్రీకరిస్తూ నెగటివ్ క్యాంపెయిన్ చేస్తున్నారు. గత పదేళ్లలో కనెక్షన్ల సంఖ్య 14 కోట్ల నుండి 32 కోట్లకు పెరిగిన వాస్తవాన్ని వీరు జీర్ణించుకోలేకపోతున్నారు. డిమాండ్ ఇంత భారీగా పెరిగినా, సరఫరా ఎక్కడా ఆగలేదన్నది కాదనలేని సత్యం. ప్రభుత్వం ఇస్తున్న సబ్సిడీల గురించి గానీ, అంతర్జాతీయ మార్కెట్ ఒత్తిడి గురించి గానీ ప్రస్తావించకుండా, కేవలం ప్రజల్లో అసహనం పెంచడమే లక్ష్యంగా సోషల్ మీడియాలో అసత్య ప్రచారాలు చేస్తున్నారు.
……………………………….
(యాంకర్ కంక్లూజన్):
మొత్తానికి చూస్తే.. కాంగ్రెస్ హయాంలో ఉన్న గందరగోళం, అవినీతి, కొరతలకు నేడు కాలం చెల్లింది. ప్రధాని మోదీ నాయకత్వంలో భారత్ ఇంధన రంగంలో స్వయం సమృద్ధి దిశగా సాగుతోంది. అవాస్తవాలను ప్రచారం చేసే వారికి, క్షేత్రస్థాయిలో అందుతున్న నిరంతర సరఫరానే గట్టి సమాధానం చెబుతోంది. కొంత మేర సమస్యలు ఏర్పుడుతున్నప్పటికీ, మోదీ ప్రభుత్వం ఎప్పటికప్పుడు సమీక్షలు చేస్తూ, ప్రజలకు గ్యాస్ సిలిండర్స్ అందుబాటులో ఉంచుతున్నారు.
