ఒలింపిన్లతో ప్రధాని మోదీ ఇంట్రాక్టైన నన్ను అబ్బురపరిచింది : టీమిండియా మాజీ కెప్టెన్ కపిల్ దేవ్

ఒలింపిన్లతో ప్రధాని మోదీ ఇంట్రాక్టైన తీరు తనను అబ్బురపరిచిందని టీమిండియా మాజీ కెప్టెన్ కపిల్ దేవ్ అన్నారు. గెలుపోటములతో సంబంధం లేకుండా టోక్యో ఒలింపిక్స్ లో పాల్గొన్న అందరినీ మోదీ ప్రశంసించడం తనను కదిలించిందంటూ కపిల్ ట్వీట్ చేశారు. క్రీడాకారులు తెచ్చిన పతకాలను కాకుండా..వాటిని సాధించేందుకు వారు పడిన శ్రమను గుర్తించడం ముఖ్యమని కపిల్ అన్నారు. ఈ విషయం ప్రధాని మాటలు, చర్యల ద్వారా అర్థమైందనీ అన్నారు. ఇంకా ప్రధానిపై ప్రశంసలు కురిపించిన కపిల్ దేవ్..దేశంలో క్రీడా సంస్కృతికి కృషి చేస్తానని గతంలో ఏ ప్రధాని కూడా చెప్పిన దాఖలాల్లేవన్నారు. అంతే కాదు తమ పిల్లలను క్రీడల్లో ప్రోత్సహించాలని తల్లిదండ్రులకూ మోదీ విజ్ఞప్తి చేయడం గొప్పవిషయమన్నారు.