వరదనీటిలో కొట్టుకుపోతున్న గోవులను కాపాడారు ఇద్దరు జాలర్లు. ఒకటికాదు రెండుకాదు ఏకంగా 350 గోవుల ప్రాణాలు కాపాడారు. అందుకు సంబంధించిన వీడియో సోషల్మీడియా లో వైరల్ అవుతోంది. సమయస్ఫూర్తితో వాటిని కాపాడిన తీరు, మూగప్రాణుల్ని కాపాడిన తీరు చూసి అంతా ఆ జాలర్లను ప్రశంసిస్తున్నారు. ఆంధ్రప్రదేశ్ కర్నూలు జిల్లా నంద్యాల సమీపంలోని వెలుగోడు రిజర్వాయర్ దగ్గర ఈ ఘటనజరిగింది.
నీటిలో దాదాపు మునిగినస్థితిలో 350 గోవులు జాలర్లకంటపడ్డాయి. వాటిని ఎలాగైనా రక్షించాలనుకున్నారు. చూస్తే పెద్ద సంఖ్యలో ఉన్నాయి. కొన్నింటిని కాపాడినా చాలనుకున్నారు. తమ బోటుతో ఆ గోవులను వెనుక నుంచి ఒక ప్రణాళికబద్దంగా తరుముతూ వాటిని ఒడ్డువైపు వెళ్లేట్టు చేశారు.. ముందుకే కనుక వెళ్లుంటే అవి వరద నీటిలో కొట్టుకుపోయి విగతజీవులయ్యేవి. జాలర్లు చేసిన పనిని అందరూ ప్రశంసిస్తున్నారు.
