ఎమ్మెల్సీ ఎన్నికలకు మోగిన నాగారా,షెడ్యూల్ విడుదల చేసిన ఎన్నికల సంఘం

రెండు తెలుగురాష్ట్రాల్లో ఎమ్మెల్సీ ఎన్నికల నగారా మోగింది.స్థానిక సంస్థ‌లు, ఉపాధ్యాయులు, ప‌ట్ట‌భ‌ద్రుల నియోజ‌క‌వ‌ర్గాల ఎమ్మెల్సీ ఎన్నిక‌ల‌కు ఎన్నిక‌ల సంఘం ఇవాళ షెడ్యూల్ విడుద‌ల చేసింది. ఏపీలో 8, అలాగే తెలంగాణ‌లో ఒక నియోజ‌క‌వ‌ర్గానికి ఎమ్మెల్సీ ఎన్నిక‌లు జ‌ర‌గ‌నున్నాయి. ఈ నెల‌ 16న ఎమ్మెల్సీ ఎన్నిక‌ల‌కు నోటిఫికేషన్‌ విడుదల చేయ‌నున్న‌ట్టు ఎన్నిక‌ల సంఘం పేర్కొంది. నామినేషన్ల స్వీక‌ర‌ణకు ఈ నెల 23 గడువు. మార్చి 13న పోలింగ్ , మార్చి 16న కౌంటింగ్. ఇప్పటికే ఆయా పార్టీలు అభ్యర్థులను ఎంపిక చేశాయి. ఇక షెడ్యూల్ సైతం విడుదల కావడంతో ప్రచారవేగం పెంచనున్నారు.