ఢిల్లీ లిక్కర్ స్కాం నిందితులకు షాక్ – బెయిల్ నిరాకరించిన స్పెషల్ కోర్ట్

ఢిల్లీ లిక్కర్ స్కాం నిందితులకు స్పెషల్ కోర్టు షాకిచ్చింది. అభిషేక్ బోయినపల్లి, విజయ్ నాయర్, శరత్ చంద్రా రెడ్డి, బినోయ్ బాబుకు బెయిల్ ఇచ్చేందుకు నిరాకరించింది. బెయిల్ కోసం వారు పెట్టుకున్న బెయిల్ పిటీషన్లను కోర్టు తిరస్కరించింది. ఈ కేసులో సీబీఐ, ఈడీ దూకుడు పెంచిన సంగతి తెలిసిందే. ఇప్పటికే ఎమ్మెల్సీ కవిత మాజీ సీఏ బుచ్చిబాబు, గౌతమ్ మల్హోత్రా , చారియట్ మీడియా అధినేత రాజేష్ జోషీ ని ఈడీ అరెస్ట్ చేసింది. ఒయాసిస్ గ్రూప్ తో మల్హోత్రాకు సంబంధాలున్నాయని అనుమానాలు, ఆరోపణల నేపథ్యంలో అతడిని 5 రోజుల కిందట అదుపులోకి తీసుకున్నారు. ఇక గౌతమ్ మల్హోత్రా కస్టడీ నిన్నటితో ముగియడంతో రౌస్ అవెన్యూ కోర్టులో హాజరు పరిచారు.కోర్టు అతనికి 14 రోజుల రిమాండ్ విధించింది.