రెహమాన్ ను దులిపేసిన కంగనా.. పక్కా ఆధారాలతో ప్రశ్నల వర్షం..

బాలీవుడ్‌లో మతపరమైన వివక్ష ఉందంటూ ప్రముఖ సంగీత దర్శకుడు ఏఆర్ రెహమాన్ చేసిన వ్యాఖ్యలు తీవ్ర వివాదానికి దారితీశాయి. ఆధారాలు లేకుండా పరిశ్రమ మొత్తాన్ని మత కోణంలో చూపడం సరికాదని పలువురు సినీ ప్రముఖులు స్పష్టం చేస్తున్నారు. ముఖ్యంగా ఈ వ్యాఖ్యలపై నటి, బీజేపీ ఎంపీ కంగనా రనౌత్ ఘాటుగా స్పందిస్తూ రెహమాన్ వ్యాఖ్యలను తీవ్రంగా ఖండించారు.
………………………………………..
ఈ నేపథ్యంలో కంగనా రనౌత్ సోషల్ మీడియా వేదికగా స్పందిస్తూ, రెహమాన్‌లో కనిపిస్తున్న పక్షపాతం, ద్వేష ధోరణిని ప్రశ్నించారు. తన దర్శకత్వంలో రూపొందిన ‘ఎమర్జెన్సీ’ సినిమా కథను వినడానికి కూడా రెహమాన్ నిరాకరించారని ఆమె ఆరోపించారు. కేవలం తాను బీజేపీకి మద్దతు ఇస్తున్నాననే కారణంతో తనపై వివక్ష చూపారని కంగనా పేర్కొన్నారు.
“బాలీవుడ్‌లో నేను ఎన్నో రకాల పక్షపాతాన్ని ఎదుర్కొన్నాను. కానీ మీలో ఉన్నంత ద్వేషం, పక్షపాతం నేను ఎవరిలోనూ చూడలేదు” అంటూ కంగనా చేసిన వ్యాఖ్యలు చర్చనీయాంశంగా మారాయి. ‘ఎమర్జెన్సీ’ సినిమా విమర్శకుల ప్రశంసలు పొందినా, రాజకీయ ద్వేషంతో రెహమాన్ తనను దూరం పెట్టారని ఆమె విమర్శించారు.
…………………………………
కంగనా ధైర్యంగా మాట్లాడటం ద్వారా బాలీవుడ్‌లో ఉన్న దాగి ఉన్న వాస్తవాలను బయటపెట్టారని ఆమె అభిమానులు అభిప్రాయపడుతున్నారు. వ్యక్తిగత అభిప్రాయాలు, రాజకీయ వైఖరుల ఆధారంగా కళాకారులను పక్కన పెట్టడం సరికాదని కంగనా చేసిన వ్యాఖ్యలు విస్తృత మద్దతు పొందుతున్నాయి.
..
రెహమాన్ వ్యాఖ్యలను ప్రముఖ రచయిత్రి శోభా డే కూడా తప్పుబట్టారు. బాలీవుడ్ అనేది మతాలకు అతీతమైన రంగమని, ప్రతిభే ఇక్కడ అసలైన అర్హత అని ఆమె స్పష్టం చేశారు. “ఇక్కడ మతం ఎప్పుడూ అడ్డంకి కాలేదు. రెహమాన్ లాంటి వ్యక్తి ఇలా మాట్లాడటం బాధాకరం” అని ఆమె వ్యాఖ్యానించారు.
…
ప్రముఖ గాయకుడు షాన్ కూడా రెహమాన్ వ్యాఖ్యలకు వ్యతిరేకంగా స్పందించారు. పని అవకాశాలు తగ్గడాన్ని మతంతో ముడిపెట్టడం సరికాదని అన్నారు. మైనారిటీ వర్గాలకు చెందిన షారుఖ్ ఖాన్, సల్మాన్ ఖాన్, ఆమిర్ ఖాన్‌లు దశాబ్దాలుగా అగ్రతారలుగా కొనసాగుతున్న విషయాన్ని గుర్తు చేశారు. గీత రచయిత జావేద్ అక్తర్ కూడా ఈ వివాదంపై స్పందిస్తూ, రెహమాన్‌కు బాలీవుడ్‌లో అపారమైన గౌరవం ఉందని చెప్పారు. మతపరమైన వివక్ష అనే అంశం ఇందులో లేదని ఆయన అభిప్రాయపడ్డారు.
………………………………….
మొత్తం మీద బాలీవుడ్ లో మతం చిచ్చు పెడదామని ప్రయత్నం చేసిన రెహమాన్ … చివరకు నవ్వుల పాలు అయిపోయారు.
ఆధారాలు లేని మత వివక్ష ఆరోపణలతో బాలీవుడ్‌ను అపఖ్యాతిపాలు చేయడం సరికాదని సినీ వర్గాలు స్పష్టంగా చెబుతున్నాయి. అదే సమయంలో, భయపడకుండా తన అభిప్రాయాన్ని వెలిబుచ్చిన కంగనా రనౌత్ నిజాయితీకి ప్రశంసలు లభిస్తున్నాయి. వ్యక్తిగత ద్వేషాలు, రాజకీయ విభేదాలకతీతంగా కళను, ప్రతిభను గౌరవించాలన్న సందేశం ఈ వివాదం ద్వారా మరోసారి ముందుకు వచ్చింది.