కర్ణాటక కాంగ్రెస్ అధ్యక్షుడు డీకే శివకుమార్‌పై ఎన్‌ఫోర్స్‌మెంట్ డైరెక్టరేట్ (ఈడీ) గురువారం చార్జిషీట్ దాఖలు చేసింది. మనీలాండరింగ్ కేసులో శివకుమార్‌తో పాటు మరికొందరిపై ఈడీ ఛార్జ్ షీట్ దాఖలు చేసింది. ఢిల్లీ కోర్టులో ప్రివెన్షన్ అఫ్ మనీ లాండరింగ్ యాక్ట్(పీఎంఎల్‌ఏ)లోని వివిధ సెక్షన్ల కింద ప్రాసిక్యూషన్ ఫిర్యాదు దాఖలైంది’’ అని ఈడీ అధికారులు తెలిపారు.
https://twitter.com/ANI/status/1529699230654291968?s=20&t=ADurpkWh965jROftnCgnmA
ఐటీ డిపార్ట్‌మెంట్ దాఖలు చేసిన ఫిర్యాదు ఆధారంగా ఈడీ నమోదు చేసిన పిఎంఎల్‌ఎ కేసులో కాంగ్రెస్ నాయకుడు ప్రస్తుతం బెయిల్‌పై ఉన్నారు. శివకుమార్‌కు చెందిన రూ. 8 కోట్ల ఆస్తులకు సంబంధించి ఎలాంటి ఖాతా లేదని.. అందుకే అతనిపై ఈ ఛార్జిషీటు దాఖలు చేసినట్లు దర్యాప్తు సంస్థ పేర్కొంది.
డికె శివకుమార్ విచారణకు సహకరించనందుకు ఈడీ అతన్ని 2019 సెప్టెంబర్ 3న అరెస్టు చేసింది. అవినీతికి పాల్పడిన కర్ణాటక రాష్ట్ర ప్రభుత్వ అధికారులతో అతనికి సంబంధాలు ఏర్పడిన తర్వాత PMLA కింద అతన్ని అరెస్టు చేశారు. 2017 ఆగస్ట్ లో న్యూఢిల్లీలోని శివకుమార్ నివాసంపై అధికారులు ఎటాక్ చేసిన తర్వాత మనీలాండరింగ్ కోణం వెలుగులోకి వచ్చింది, దీని ద్వారా ఆధారాలు లేకుండా రూ.8.59 కోట్ల విలువైన లెక్కల్లో చూపని నగదు స్వాధీనం చేసుకున్నారు.
డికె శివకుమార్ బెయిల్ పిటిషన్‌ను ప్రత్యేక సిబిఐ కోర్టు తిరస్కరించినప్పుడు బెయిల్ కోసం హైకోర్టును ఆశ్రయించడంతో అదే సంవత్సరం అక్టోబర్‌లో బెయిల్ మంజూరైంది. శివకుమార్ తోపాటు అతని వ్యాపార సహచరులు సచిన్ నారాయణ్, సునీల్ కుమార్ శర్మ, న్యూఢిల్లీలోని నగదు దొరికిన కర్ణాటక భవన్ ఉద్యోగులు ఆంజనేయ హనుమంత్ సహా రాజేంద్రన్‌ లకు జరిమానా విధించింది.
