సాహిత్యక రంగంలో అత్యున్నత పురస్కారంగా భావించే బుకర్ ప్రైజ్ ఈసారి భారతీయ మహిళకు లభించింది. కన్నడ సాహిత్యంలో చక్కటి రచనలు చేసే రచయిత్రి భాను ముస్తాక్ ఈ బహుమతికి ఎంపిక అయ్యారు. మరో విశేషం ఏమిటంటే ఆమె రచనలను ఇంగ్లీషులో అనువదించిన అనువాదకులు దీపా బస్తీని కూడా అవార్డుతో గౌరవిస్తున్నారు.
హార్ట్ లాంప్ అనే పేరుతో ఈ కథల సంపుటి అందుబాటులో ఉంది. చక్కటి మానవీయ కోణాలతో నిండిన కథల సంపుటిగా దీనిని చెప్పవచ్చు. మ‌హిళ‌ల జీవితాలు, పున‌రుత్ప‌త్తి హ‌క్కులు, విశ్వాసాలు, కులం, అధికారం, అణిచివేత‌కు సంబంధించిన కోణంలో క‌థ‌లు ఉన్న‌ట్లు పేర్కొన్నారు. ఆంగ్ల భాష పాఠ‌కులకు హార్ట్ ల్యాంప్ నిజంగానే కొత్త అనుభూతిని ఇస్తుంద‌ని విమర్శకులు అంటున్నారు.
1990 నుంచి 2023 వ‌ర‌కు ఈ క‌థా సంక‌ల‌నం రాశారు. ఆ క‌థ‌ల‌ను అత్యుద్భుతంగా దీప అనువాదం చేశారు. చిన్న ప‌ట్ట‌ణాల‌కు చెందిన జీవితాల‌ను ఆ క‌థ‌ల్లో మ‌లిచిన తీరు ఎంతో చ‌మ‌త్కారంగా ఉంటాయ‌ని విశ్లేష‌కులు చెప్పారు. బూక‌ర్ ప్రైజ్ కింద 50 వేల పౌండ్లు ఇవ్వ‌నున్నారు. ర‌చ‌యిత భాను ముస్తాక్, ట్రాన్స్‌లేట‌ర్ దీప ఆ అవార్డు న‌గ‌దును పంచుకుంటారు.
అవార్డు పట్ల రచయిత్రి సంతోషం వ్యక్తం చేశారు.
బూక‌ర్ ప్రైజ్‌ను అందుకోవ‌డాన్ని గొప్ప గౌర‌వంగా భావిస్తున్న‌ట్లు భాను తెలిపారు. ఒక వ్య‌క్తిగా కాకుండా అనేక మంది స్వ‌రాల‌ను త‌న కథల ద్వారా వినిపించిన‌ట్లు చెప్పారు.
దక్షిణ భారతదేశానికి చెందిన ఒక రచయిత్రికి ఈ విశిష్ట అవార్డు దక్కడం ఇదే మొదటి సారి.
