పాకిస్థాన్ కు సైనిక సమాచారాన్ని లీక్ చేశారనే ఆరోపణలపై 24 ఏళ్ల భారత ఆర్మీ జవాన్ శాంతిమయ్ రాణాను అరెస్టు చేశారు. భారత సైన్యానికి సంబంధించిన సమాచారాన్ని లీక్ చేసేందుకు పాకిస్థానీ మహిళ అతడిని హనీట్రాప్ చేసింది. అఫీషియల్స్ సీక్రెట్స్ ఆక్ట్, 1923 కింద కేసు నమోదు చేసి జవాన్‌ను అరెస్టు చేశారు. శాంతిమయ్ రాణా పశ్చిమ బెంగాల్‌ లోని బాగుండా జిల్లాలోని కంచన్‌ పూర్ గ్రామ నివాసి. జైపూర్‌ లోని ఆర్టరీ యూనిట్‌ లో ఆయనను నియమించారు.
“పాకిస్థానీ ఏజెంట్లు గుర్నౌర్ కౌర్ అలియాస్ అంకిత, నిషాలు.. జవాన్‌ను సోషల్ మీడియా ద్వారా సంప్రదించారు” అని రాజస్థాన్ పోలీసు ఇంటెలిజెన్స్ వింగ్ డైరెక్టర్ జనరల్ ఉమేష్ మిశ్రా తెలిపారు. తర్వాత ఇద్దరు మహిళలు రానా నంబర్ తీసుకున్నారని ఇంటెలిజెన్స్ వింగ్ తెలిపింది. వారిద్దరూ రానాతో వాట్సాప్‌లో మాట్లాడుకునేవారు. ఇద్దరూ మొదట రానాతో నమ్మకంగా ఉన్నారు. ఆమె అతని నుంచి నిఘా సమాచారాన్ని తీసుకోవడం ప్రారంభించింది. అందుకు ప్రతిగా రానా ఖాతాలోకి కొంత డబ్బు కూడా చేరింది.
తాను 2018 మార్చి నుంచి ఇండియన్ ఆర్మీలో పనిచేస్తున్నానని.. వాట్సాప్ చాట్, వీడియో, ఆడియో మెసేజ్‌ల ద్వారా పాకిస్థాన్ మహిళా ఏజెంట్లతో చాలా కాలంగా టచ్‌లో ఉన్నానని రానా తెలిపాడు. ఆ మహిళ తనను తాను షాజహాన్‌పూర్ (ఉత్తరప్రదేశ్) నివాసి అని చెప్పింది. అక్కడ మిలటరీ ఇంజినీరింగ్ సర్వీసెస్‌లో పనిచేశానని ఆ మహిళ రానాతో చెప్పింది. మరో మహిళ తన పేరు నిషా అని చెప్పి.. తాను మిలటరీ నర్సింగ్ సర్వీస్‌లో పనిచేస్తున్నానని చెప్పింది.
