ఓ పిల్లి, రెండు కాకుల కథ – సందేశాత్మక వీడియోను షేర్ చేసిన ఆనంద్ మహీంద్రా

ఎవరికే ఆపదా వచ్చినా ఆదుకోవడంలో ముందుంటారు ప్రముఖ పారిశ్రామిక వేత్త ఆనంద్ మహీంద్రా. అంతబిజీ లైఫ్ లోనూ సోషల్మీడియాలో ఆక్టివ్ గా ఉంటూ…తనదైన శైలిలో మంచి సందేశాలిస్తుంటారు. ఆకట్టుకునే అంశాల్ని షేర్ చేస్తుంటారు. ఇక ఓ పిల్లి, రెండు కాకులకు సంబంధించిన ఓ ఆసక్తికరమైన వీడియోనూ ఇన్ స్టాలో షేర్ చేశారాయన. అదిప్పుడు తెగవైరల్ అవుతోంది. ఈవీడియోకు ఆయన జతచేసిన మెసేజ్ ఎంతో స్ఫూర్తివంతంగా ఉంది. టీంవర్క్ బహుచక్కటి ఫలితం ఇస్తుందన్నది ఆ సందేశం సారాంశం. Anand Mahindra Monday Motivation హాష్ ట్యాగ్ తో దాన్ని పోస్ట్ చేశారు.
ఇక వివరాల్లోకి వెళ్తే…ఓ పిల్లి రోడ్డుమీద పడిన ఆహారాన్ని తింటోంది. అప్పుడే ఆ ఆహారం కోసం రెండు కాకులు వచ్చాయి. అయితే పిల్లి కాకులను దగ్గరకు రానీయడం లేదు. అప్పుడు రెండు కాకులు ఓ పథకం వేశాయి అప్పటికప్పుడే. ఓ
కాకి అరుస్తూ.. పిల్లిని వెనకనుంచి పొడిచింది. దాంతో పిల్లి ఆగ్రహంతో తింటున్న ఆహారాన్ని వదిలి దాని వెంబపడింది. అంతలోనే రెండోకాకి వచ్చి ఆ ఆహారాన్నిఅందుకుపోయింది. కాకుల తెలివిగా పిల్లినుంచి ఆహారాన్ని ఎలా సంపాదించాయో ఈ వీడియో చెబుతోంది. దాన్ని ఆనంద్ మహీంద్రా పోస్ట్ చేస్తూ టీంగా కలిసి పనిచేస్తే ఎప్పుడూ రిజల్ట్ బాగుంటుందని కామెంట్ చేశారు.