అమర్‌నాథ్ యాత్రలో జంట ట్రెక్ మార్గాలలో వేర్వేరు ప్రదేశాలలో మోహరించే పర్వత రెస్క్యూ టీమ్‌లలో ఎనిమిది మంది మహిళా నేషనల్ డిజాస్టర్ రెస్పాన్స్ ఫోర్స్ (NDRF) సిబ్బంది చేరనున్నారు. రెండేళ్ల విరామం తర్వాత జూన్ 30 నుంచి అమర్‌నాథ్ యాత్ర ప్రారంభం కానుండడంతో పాదయాత్ర సజావుగా సాగేందుకు అధికార యంత్రాంగం అన్ని ఏర్పాట్లు చేసింది. 43 రోజుల యాత్ర రెండు వేర్వేరు మార్గాల ద్వారా ప్రారంభం కానుంది.
ఎనిమిది NDRF బృందాలను రెండు మార్గాలలో వేర్వేరు పాయింట్ల వద్ద మోహరించారు. ఈ సిబ్బంది యాత్రికుల భద్రత, సౌకర్యాన్ని నిర్ధారించడానికి పర్వత రెస్క్యూ కార్యకలాపాలలో ప్రత్యేక శిక్షణ పొందారు.
“ఆకస్మిక వరదలు, మంచు హిమపాతాలు, కొండచరియలు విరిగిపడటం వంటి ప్రకృతిసిద్ధమైన విపత్తులలో సహాయక చర్యల కోసం ఎన్‌డిఆర్‌ఎఫ్ బృందాలను ఇక్కడ మోహరించాం. ఎనిమిది బృందాలను వేర్వేరు ప్రదేశాల్లో మోహరించాం. రెండు మార్గాల్లో ప్రతికూల పరిస్థితుల్లో భక్తులకు వారు సహాయం చేస్తారు. ఒకే బృందంలో ముప్పై మంది సిబ్బంది ఉన్నారు, అందరూ శిక్షణ పొందిన పర్వత రక్షకులు.. ఈసారి మేం ఎనిమిది మంది శిక్షణ పొందిన మహిళలను మా బృందంలోకి చేర్చుకున్నాం, వారు శేషనాగ్‌లో మోహరిస్తారు ఎందుకంటే పహల్గామ్ నుంచి పవిత్ర గుహ వరకు, ఇది చాలా దూరం.. కఠినమైన భూభాగం. ఈ ధైర్యవంతులు యాత్రలో మహిళా యాత్రికులు ఎలాంటి సమస్యనైనా ఎదుర్కొంటే శిక్షణ పొందిన మహిళా సిబ్బంది సహాయం చేస్తారు” అని ఎన్‌డిఆర్‌ఎఫ్ డిప్యూటీ కమాండెంట్ ఆర్‌కె శర్మ అన్నారు.
